Wat meer is, wat is daar van getallepolitiek wat die hofaansoekers vir geheime stemming in die parlement, nie verstaan nie? Die uitvloeisel daarvan in praktyk is só elementêr dat selfs Zuma dit verstaan en goed verstaan!

In die ontplooiing en toepassing sedert 1994 is dit duidelik dat behalwe vir die ware nasionaalgesinde Afrikaners wat daarteen gewaarsku het en nie daarvoor gestem het nie, Zuma en sy ANC kaders strate meer van die politiek af weet as al die blankes wat oortuig was dat hulle die regte pad volg. Dat hulle die morele hoë grond beset terwyl die sg. Regses ‘n bedreiging inhou vir die veelgeroemde “eerste democracy” in Suid Afrika.

Behalwe dat hy begin knor en tande wys vir die swart lakeie wat ge-oormerk is om hom uit die kussings te lig, verduidelik hy grondig van hoe getallepolitiek nou eintlik werk, noudat hulle nie meer daarvan hou nie!

Dit is interressant om te merk hoe en waar die politieke gebeure se oorsprong en gevolge waaroor ons al sedert 1969 gewaarsku het, nou oral soos masels uitslaan! Hoewel die AVP nie met alles saamstem in die artikel hier onder nie, is dit verblydend om te sien dat daar ontwaking is.

Vrugtelose pogings om die Afrikanervolk te oortuig om nie ja te stem in die 1993 Referendum, in 1982 om nie die KP te stig maar eerder by die HNP aan te sluit, nie die Volkstaat ontvlugtingsbenadering te ondersteun nie maar eerder de Klerk te stuit deur ’n verkiesing af te dwing, was die sleutel tot die destydse NP se sukses om ons volk uit te verkoop.

Die fout om nie die regte politieke weg te volg terwyl ons in ’n magsposisie was, was die sluitsteen vir die onderwerping van die Afrikanervolk aan ’n magtelose terroristebende wat nooit ’n oorlog teen ons sou kon wen nie.

Die vraag wat ontstaan het, is of die waarneming van die voorspelde chaos nou terwyl ons in ’n oënskynlike magtelose toestand verkeer en die bekendmaking van die oorsprong daarvan, mosterd na die maal is, is die AVP se antwoord onomwonde. Nee!

Die opskrif van nuus24 oor Genneral Motors se besluit om aan Suid Afrika te onttrek, word in Nuus 24 as ‘n mosie van wantroue in Suid Afrika beskou.

In die vyftig en sestigerjare het jong seuns lekker gestry oor wie se pa dan nou ‘n beter voertuig ry. ‘n Chev of ‘n Ford. Dit was amper soos die verskil tussen Sap en Nat! Dat GM vir baie jare deel van Suid Afrika se motorhandel was en nou totaal onttrek, het meer as net ‘n swak ekonomie as oorsprong vir die onttrekking.

Sedert 1926 was GM in Suid Afrika betrokke. Hoewel dit nie gesê word nie, speel politiek ‘n belangrike rol in GM se besluit.

Hebreërs 1:1-14

“NADAT God baiekeer en op baie maniere in die ou tyd gespreek het tot die vaders deur die profete, het Hy in hierdie laaste dae tot ons gespreek deur die Seun wat Hy as erfgenaam van alles aangestel het, deur wie Hy ook die wêreld gemaak het.” (:1&2).

In plaas daarvan dat ons vra of God vandag nog met ons praat kan ons dalk eerder vra of ons as mense dalk al geleer het om na Hom te luister. Sedert die Skepping het God Homself met die mens bemoei en Sy betrokkenheid in die mensdom is regdeur die Skrif vir ons baie duidelik. Ongelukkig is die mens se onwilligheid om in ootmoed na God te luister regdeur die Skrif net so duidelik waarneembaar.

Ons dink dan aan die Ou Testamentiese tydperk waarna terugverwys word in vers 1 van ons gelese gedeelte. In hierdie tyd het God op verskillende maniere tot die mens gespreek o.a. deur die mond van profete.