Markus 8:34-38: “EN toe Hy die skare saam met sy dissipels na Hom geroep het, sê Hy vir hulle: Wie agter My aan wil kom, moet homself verloën en sy kruis opneem en My volg.” (:34)

Die voorspoedgodsdiens is geen onbekende term in ons samelewing en tyd nie. Dit is iets wat oor die afgelope vier-tot-vyf dekades geweldige oplewing gesien het. En namate hierdie dwaling saam met die siening van humanisme na bo geskiet het, het mense se geloofslewe afwaarts getuimel. Die mens het a.g.v. hierdie wanopvattings die persepsie ontwikkel dat God in die mens se diens moet staan om hom uit nood te red (al is dit deur sy eie sondige en wederstrewige optrede veroorsaak) en gedurig met voorspoed en gemak moet seën. Die mens is hiervolgens “geregtig” op ’n lewe waar alles na sy wil geskik moet word en moet gebeur en waar God op sy aandrang moet handel om sy begeertes te bevredig.

Ps. 16:1-11:“Die HERE is die deel van my erfenis en van my beker; Ú onderhou my lot. Die meetsnoere het vir my in lieflike plekke geval, ja, my erfenis is vir my mooi.” (:5&6).

Dawid herinner ons in hierdie gedig van hom aan ’n baie belangrike werklikheid, naamlik dat God in beheer van ons lot in die lewe is. Hierdie werklikheid word myns insiens deesdae verdof in die verstikkende stof van die humanisme wat die lewenslig van ons tyd besoedel. In die donker van humanisme sukkel mense om ’n toekoms te sien omdat

hul visie van die toekoms deur hul eie beperking aan bande gelê word.

MNR CONSTANT KUSTERS: 'EK IS VERHEUG DAT HIERDIE OPVOEDKUNDIGE INSTELLING GLO DAT JY IEMAND NIE KAN WEIER BLOOT OP GROND VAN SY OF HAAR POLITIEKE AFFILIASIE NIE'

Geagte leser. Ons het n.a.v. die feit dat 'n waarskynlik ver-linkse anonieme briefskrywer geprobeer het om die benoeming van NVU se partyleier mnr Constant Kusters vir die ondernemingsraad van die Beekdal Lyceum te keer, 'n vyfde onderhoud in Nederlands met hom gehad. Daar was ook 'n klompie ouers wat geprotesteer het teen sy kandidatuur, dog die bestuur van hierdie opvoedkundige instelling voel dat hulle niemand kan weer net vanweë 'n politieke affiliasie of rigting nie.
Ons sal ook die funksies wat mnr. Kusters naas sy werk as partyleier doen bespreek, asook sy stokperdjies.

OP PAD NA 'N VOLKSKONGRES

Dit was in die laat vyftigs. My skoonmoeder het van ‘n besoek aan Duitsland af teruggekeer toe sy die opmerking maak dat sy ‘n berig gesien het dat daar veral in Angola, maar ook wyd in Afrika na Suid Afrika verwys word as AZANIA. Ek het dit afgelag as swart wensdenkery en in elkgeval ‘n onhaalbare swart droom!

Met die Nassionale party op die kruin van die golf, saamgelees met my jeugdige politieke naїwiteit, was so ‘n standpunt vir my niks anders as ‘n belaglikheid nie. Die afgelope tweede wêreldoorlog en die twee verliese van ons vryheid wat met verbete stryd teruggewen is, het in my ouderdomsgroep nie grondgevat nie en was daar niks wat vir ons ‘n bedreiging was nie.Dit was eers toe die Nasionale Party in 1969 geskeur het dat ek gewaar geword het van die verskuilde voortsluipende politieke bedreiging.